![GSH APP](https://gazetashqiptare.al/wp-content/uploads/2022/04/gshok.jpg)
![Download on Apple Store](https://balkanweb.com/wp-content/uploads/2019/01/ios.jpg)
![Get it on Google Play](https://gazetashqiptare.al/wp-content/uploads/2022/04/android-app.png)
Ish-kryetari i Partisë Demokratikë, Lulzim Basha ditën e sotme njoftoi se do ankimojë vendimin e marrë nga Gjykata e Apelit përsa i përket vulës së kësaj partie politike, e cila ja dha postin e udhëheqjes së saj Sali Berishës.
Vetëm disa orë kanë kaluar nga deklarata e Bashës se do të jetë prezent në zgjedhjet e vitit 2025, e se do bëjë rekurs përsa i përket vendimit të Apelit, ish kreu demokrat poston në Facebook logon e PDSH-së.
Ndërthurja e ngjyrës blu demokratike me të kuqen “gjak” simbolizuese të Shqipërisë janë përzgjedhjet që ka bërë Basha për logon e tij.
“Partia Demokratike e Shqipërisë” është shoqëruar me “Demokratët euroatlantikë”.
Nuk ka harruar të vendosë dhe sloganin “Shqipëria meriton më shumë” në logo, fjali që në fakt e përmendi në prononcimin e tij për shtyp ditën e sotme.
I pyetur për zgjedhjet e tij në këtë prononcim për media, Basha u shpreh se “alternativa për shqiptarët do të jetë aty”, e se dhe nëse nuk arrin të fitojë të drejtën për të qenë në krye të forcës politike demokratike, ai la të nënkuptohet se ekzistojnë mundësitë për krijimin e një partie të re.
“Berisha nuk është zgjidhja për të larguar Ramën. Në fakt është aseti i vetëm i Ramës në zgjedhje”, tha Basha.